Un o amcanion allweddol y prosiect yw i ddarparu rhagolygon cyflogaeth gwych i’r myfyrwyr hynny sy’n dymuno gweithio yng Nghymru wedi iddynt raddio. Bydd pecyn adnoddau ar gael ar y Porth, gyda’r prif ffocws ar gefnogi astudiaethau myfyrwyr Gwyddorau’r Heddlu, ond bydd yr adnoddau hefyd o ddefnydd i fyfyrwyr mewn maesydd astudio eraill megis troseddeg, cymdeithaseg a gwasanaethau cyhoeddus. Rhagwelir y bydd yr adnoddau yn cynnwys erthyglau, podlediadau a/neu ddarlithoedd gan arbenigwyr yn y maes, a darlithoedd pwerbwynt.