Prosiectau Daearyddiaeth a'r Amgylchedd

Derbyniodd Prifysgol Aberystwyth nawdd i ddiweddaru eu modiwl ar Geomorffoleg Afonol.

Derbyniodd Prifysgol Bangor nawdd i greu modiwl israddedig newydd i’w gyflwyno i fyfyrwyr gwyddoniaeth naturiol yn Ysgol Gwyddorau Eigion y brifysgol. Penderfynwyd datblygu’r modiwl er mwyn ceisio cynyddu nifer y graddedigion sydd â’r sgiliau i feddwl a gweithio’n wyddonol yn hyderus drwy gyfrwng y Gymraeg.

Derbyniodd Prifysgol Aberystwyth nawdd i greu deunydd sydd yn cyflwyno enghreifftiau o sut y gellid defnyddio System Gwybodaeth Ddaearyddol (SGDd) er mwyn integreiddio technegau ystadegol wrth fynd ati i gynllunio a chwblhau traethawd ymchwil. Mae’r adnodd yn cynnwys cyngor ynglŷn â’r ffyrdd gorau o fynd ati i gasglu, arddangos a thrin data mewn modd ystadegol, cyn mynd ymlaen i gyrraedd casgliad.

Derbyniodd Prifysgol Bangor nawdd i ddatblygu pedwar modiwl newydd ar gyfer y cwrs meistr mewn Rheolaeth Amgylcheddol Gynaliadwy.

Derbyniodd Prifysgol Bangor nawdd i ddatblygu cynllun gradd meistr cyfrwng Cymraeg mewn Rheolaeth Amgylcheddol Gynaliadwy.

Derbyniodd Prifysgol Aberystwyth nawdd i ddatblygu dau fodiwl cyfrwng Cymraeg newydd (ar gyfer eu cyflwyno’n gydweithredol) ym maes Daearyddiaeth Ddynol.

Derbyniodd Prifysgol Bangor nawdd i ddatblygu’r modiwl ‘Methodoleg Gwaith Maes’ a chreu casgliad o ddeunyddiau dysgu atodol, fel bod modd cyflwyno’r modiwl yn gydweithredol ar ffurf penwythnos o ddysgu dwys.

Derbyniodd Prifysgol Aberystwyth nawdd i ddiweddaru’r modiwl ‘Amgylcheddau Cymru’, fel bod modd ei gyflwyno fel modiwl opsiynol mewn nifer o sefydliadau. Yn ogystal â diweddaru cynnwys y modiwl, datblygwyd casgliad o adnoddau newydd i gyd-fynd â’r cwrs.