Ymaelodi fel Cyfaill o'r Coleg

Bydd aelodaeth Cyfeillion y Coleg yn agored i unrhyw aelod o’r cyhoedd sy’n dymuno ymaelodi.  Bydd pob aelod sy’n cofrestru fel Cyfaill yn dod yn aelod o Gymdeithas Cyfeillion y Coleg.  Mae Cymdeithas Cyfeillion y Coleg wedi ei sefydlu ar ffurf gysgodol ar hyn o bryd, gyda’r Dr Meredydd Evans yn Llywydd ar y Gymdeithas.  Caiff cyfansoddiad ei gytuno yn y dyfodol agos.  Pan fydd y Gymdeithas yn weithredol rhoddir ystyriaeth i gyflwyno tâl aelodaeth ar gyfer Cyfeillion y Coleg.  Mater i aelodau’r Gymdeithas fydd dod i benderfyniad ar hynny.  Rhagwelir bydd Cymdeithas Cyfeillion y Coleg yn sefydlu cronfa ar gyfer cyllido ysgoloriaethau a gwobrau eraill ar gyfer myfyrwyr.  Mae’n bosibl y bydd Cymdeithas y Cyfeillion yn sefydlu canghennau mewn gwahanol leoliadau yng Nghymru ac yn trefnu digwyddiadau a gweithgareddau yn lleol.  Rhagwelir y bydd y Gymdeithas yn cynnal cyfarfod blynyddol yn yr Eisteddfod Genedlaethol. 

Bydd Aelodaeth ‘Cyfaill’ o’r Coleg yn cynnig y buddion canlynol:

• Aelodaeth o Gymdeithas Cyfeillion y Coleg
• Derbyn gwybodaeth reolaidd am weithgareddau’r Coleg - megis cynadleddau, lansiadau, gweithgareddau cenedlaethol ayyb.

Gwybodaeth bellach