Prif swyddogaeth y Bwrdd Academaidd yw cyfrannu at gynllunio academaidd er mwyn cefnogi datblygiad a gweithrediad strategaeth gorfforaethol y Coleg. Mae’n sicrhau cynrychiolaeth a pherchnogaeth academyddion a myfyrwyr ar waith y Coleg a’i brosesau.
Mae gan Fwrdd Academaidd y Coleg hyd at 34 o aelodau, gan gynnwys y cadeirydd. Mae'r Bwrdd yn cynnwys 8 aelod a enwebwyd gan sefydliadau addysg uwch Cymru, 13 aelod a benodwyd gan y Coleg, hyd at 8 aelod yn cynrychioli myfyrwyr a 3 aelod yn cynrychioli’r sector addysg bellach. Mae cadeirydd Pwyllgor Cydweithio Academaidd y Coleg yn aelod ex-officio.
